கரப்பான் பூச்சிகள்
கிழக்கிலிருந்தும்
மேற்கிலிருந்தும்
சிவப்பு வண்ணம் பூசி
அடர் இருட்டிலிருந்தும்
சில சமயம் வீட்டின்
மறைவிடங்களிலிருந்தும்
கிடைக்கும் வழிகள்
எல்லாவற்றின் ஊடாகவும்
ஊர்ந்து மட்டுமே வருகின்றன
இறக்கை இருப்பை மறந்து.
பறந்தாலும்
வீட்டுக் கூரையின் உயரம்
தாண்டியதில்லை
வெட்டவெளியில் பட்டப்பகலில்
பறக்கும் கரப்பான்களை கண்டதில்லை.
அழுக்கும் இருட்டும் சாசுவதமான
கரப்பான்கள் கடித்து
மரணிக்கப் போவதில்லையெனினும்
எறும்புக்கடியின் வீர்யமுண்டு.
அதில்
வலியைவிட
அருவருப்புதான் அதிகம்.
அருவருப்பும் பயம் தானாம்
பயமும் என் உணர்வுதானே.
ஆனால்
உனக்கெதற்கு உணர்வு
எனக் கேட்கிறது
கரப்பான்களின் உலகம்
