கறுப்பு வெள்ளை
ஒற்றைக் கோடு வளைந்து நெளிந்து சிதறிய
ஓவிய எண்ணங்களை
படிக்கத் தெரியவில்லை
ரசிக்கப் பிடிப்பதில்லை
கண்ணுறவே திராணியில்லை
ஒவ்வொரு கோடும் கருந்திட்டும்
மூளையுள் நெளிகின்றன புழுக்களாய்
மரபணு பரிசளித்த மெல்லுணர்வுகளை
கொல்கின்றன குரூரமாய்
ரத்தநாளம்வெடிக்கும் பீதி
படபடக்கிறது இதயத்தில்
கண்களை மூடித் தப்பிக்க முயல்கிறேன்
புரியா அறிவிலி என்கிறார்கள்
உங்களுக்குந்தான்,,,
புரியாததுதான் பிரச்சினை …
புரியவைப்பது?
